Алматыда қоқысты қайта өңдеу аумағында әйелдің денесін бөлшектеп кеткен

11 ақпан таңертең Green Recycle қоқыс өңдеу кәсіпорны аумағында қоқыс сұрыптау кезінде әйелдің бөлшектелген денесі табылды, деп хабарлайды Orda.kz.

Тергеу мәліметінше, марқұм 1989 жылғы, оқиға 9 ақпан күні Алматыдағы Әлмерек шағын ауданында жалдамалы үйде болды. Әйел мен онымен бірге тұратын ер адам арасында жанжал шыққан. Арам суға сылқия тойып алып, кикілжің кезінде 1983 жылы туылған ер адам әйелге пышақ жарақатын салып, оны өлтірген. Кейін денесін бөлшектеп, қоқыс контейнеріне тастап кеткен.  

Қазіргі уақытта күдікті ұсталып, уақытша ұстау изоляторына қамалды. Аталған факті бойынша қылмыстық іс қозғалды.