Алматыда қоғамдық көліктердің жол апаты болды

Жол апаты Райымбек даңғылында болған.

Полицияның мәліметінше үш автобус пен жеңіл көлік соқтығысқан.

«13 ақпан күні таңғы сағат тоғыздар шамасында Райымбек даңғылы бойымен шығыс бағытта келе жатқан 54-бағыттағы автобус жүргізушісі 133-маршруттағы автобуспен және Nexia көлігімен соқтығысқан. Сол маңда келе жатқан 88-маршрутқа да зақым келген. Автобустар жеке тасымалдаушыларға тиесілі» деп хабарлайды Алматы жол полициясы.

Апат салдарынан зардап шеккендер бар, бірақ олардың саны нақтыланбады. Оқиғаны Медеу аудандық полициясы тексеріп жатыр.

Айта кетейік, Алматыда толассыз жауған қар салдарынан мегаполис жолдарында кептеліс орнады.