Алматыда қоғамдық көлікте жол жүру ақысы 120 теңгеге дейін көтеріледі

Алматы қалалық мәслихаты қоғамдық көлікте жол жүру ақысын 100 теңгеден 120 теңгеге дейін көтеруді мақұлдады.

Бұл туралы қала әкімінің баспасөз қызметі хабарлайды.

Алматыда 22 жеке және 1 коммуналдық автобус паркі күн сайын 2,3 мыңға жуық автобус пен 184 троллейбус қатынайды. Қоғамдық көліктегі сапарлар саны күніне 1,5 миллионнан асады.

Қалалық ұтқырлық бөлімінің басшысы Сағындық Телібаев 2023 жылдың тамыз айында тарифтің 100 теңгеге дейін көтерілуі тасымалдаушылардың жөндеу, қосалқы бөлшектер сатып алу сияқты барлық шығындарын өтей алмайтынын айтты. 2023 жылы әкімдік 600 жаңа автобус пен 100 троллейбус сатып алса, 2024 жылы 600 автобус, 112 троллейбус және 100 электробус сатып алу жоспарлануда. Жеке тасымалдаушылар да жылжымалы құрамды белсенді түрде жаңартуда.

Алматыда 178 тұрақты бағыт бар, 2024 жылы қала маңындағы қосымша 20 бағытты ашу жоспарлануда. Кейбір бағыттар бойынша тасымалдаушылардың нақты шығындары 310 теңгеден асады, әлеуметтік маңызы бар бағыттарды әкімдік субсидиялайды. 2017-2023 жылдар аралығында 217,6 млрд теңге субсидия төленсе, 2024 жылы 97,3 млрд теңге субсидия төленеді деп болжануда.

Мәслихат шешімінен кейін, тариф бойынша жаңа баға қала әкімдігінің қаулысымен түпкілікті бекітіледі.