Алматыда кеден зертханасының басшысы сотталды

Алматы қаласының Алмалы аудандық соты Қалалық орталық кеден зертханасының басшысы А. Сатыбалдиев пен бас маман Б.Әлібековке қатысты үкім шығарды, деп хабарлайды Orda.kz. 

Антикор мәліметінше, олар қызметін пайдаланып, бірнеше рет пара алғаны үшін ұсталған. 

«Олар кәсіпкерлерден кеден сараптамасы қорытындыларын жеделдетіп бергеніне бірнеше рет пара алғаны үшін кінәлі деп танылды. Сатыбалдиев пен Әлібековке мемлекеттік және квазимемлекеттік мекемелерде қызметтік лауазымдарды атқару құқығынан өмір бойына айыра отырып, әрқайсысына 7 жыл бас бостандығынан айыру жазасы тағайындалды» делінген хабарламада.

Сонымен қатар сот үкімі бойынша, кеден брокерлері В.Николас., С.Казанцева  және С.Гаруниға пара бергені үшін айыппұл салынды. Сот актісі заңды күшіне енген жоқ.