Алматы қаласының бас мемлекеттік санитарлық дәрігерінің міндетін атқарушы Сәдуақас Байғабылов қалада карантиндік шаралардың күшейтілетіні туралы хабарлады.
Байғабылов «омикрон» штамының айналымы ұлғайғанын және Алматы «қызыл» аймаққа көшкенін айтты. Қаулыға сәйкес, қаладағы карантиндік шаралар бес күн ішінде күшейтіледі, бірақ, одан ертерек болуы да мүмкін.
«Әрине, бұл Алматы қаласындағы соңғы оқиғалар аясында кәсіпкерлер мен қалалықтарға қосымша жүктеме. Бірақ коронавирус «ешқайда кетпеді», вакциналанбаған халыққа белсенді түрде жұғып жатыр» деп айтты Байғабылов.
Жоспарланған карантиндік шектеулерді енгізу күні туралы толығырақ қосымша хабарланатын болады.
