ҰҚК Алматыда кісі өлтірмекші болған шетелдік қылмыскерлерді ұстады

Ұлттық қауіпсіздік комитеті (бұдан әрі ҰҚК) Алматыдағы ұрылар тобының өкілдерін ұстағаны туралы айтты, деп хабарлады ORDA ҰҚК баспасөз қызметіне сілтеме жасап.

— 2021 жылы 18 ақпанда ҰҚК-нің Алматы қаласы бойынша департаменті полициямен бірге трансұлттық ұйымдасқан қылмыстық топтың қызметін тоқтату бойынша арнайы операция өткізді. Үш ер адам ұсталды. Олардың екеуі Тәжікстан азаматтары және бірі Грузия азаматы. Күдіктілер қала кәсіпкерлеріне қарсы ауыр қылмыс жасауға дайындық кезінде ұсталды, делінген хабарламада.

ҰҚК мәліметінше, трансұлттық ұйымдасқан қылмыстық топ мүшелері шекарадан заңсыз өткен. Олар өздерінің Қазақстан аумағында қылмыстық ниеттерін жүзеге асыруға алдын ала сөз байласқан.

— Ұсталғандар бұған дейін бірнеше рет сотталған. Олар «Ұрылар»   деп аталатын қауымдастық қызметіне қатысқан. Олардың біреуі Ресейде екі рет кісі өлтіргені үшін жазасын өтеп шыққан, деп толықтырды комитет.

Топ мүшелерінен екі тапанша, бір мылтық, атыс оқ-дәрілері, бірнеше суық қару және басқа да қару-жарақ пен қылмыс жасауға арналған құралдар тәркіленді.