Алматыда ит пен аюдың еті сатылымға шықты

Алматыда қаңғыбас иттер мен хайуанттар бағындағы аюдың етін интернет сатылымға шығарғандар желі қолданушыларының наразылығын тудырды.

Бұл туралы хабарлама Telegram-арналарының бірінде жарияланды.

Olx.kz онлайн платформасында жақында Гүлжан атты фермер Талғар қорығынан тірі аю мен қаңғыбас иттерді етке сататыны туралы хабарлама жариялады.

Автордың емлесі мен тыныс белгілері сақталған:

«Талғар қорығынан аю сатамыз, барлық құжаттар бар. Ет кесіп сату үшін жақсы. Фермер Гүлжан» делінген хабарламада.

Аю бағасы 200 мың теңгеге белгіленген.

«Қаңғыбас иттерді етке, майға және т.б. сатамыз. Үйсіз иттер клубы иттерді етке, майға арзан бағамен сатады. Біздің ветеринарға хабарласыңыз» делінген екінші хабарламада.

Автор «баға» деген жерге 5 мың теңге деп белгілеген. Қазіргі уақытта сайттағы жарнамалар өшірілген. Хабарландырулар жойылғанымен, бірақ Instagram қолданушылары жазбаларды скриндеп үлгерген.

Сондай-ақ, қазақстандықтар бұл туралы Алматы полиция департаментіне хабарлап, аталған факті бойынша тексеру ұйымдастыруға уәде берген. Кейін Алматы ПД бастығының орынбасары Рустам Әбідрахманов тексеру басталғанын хабарлады.

Бұған дейін, француз киносының жұлдызы Брижит Бардо Қазақстан президенті Қасым-Жомарт Тоқаевқа жануарларды қорғау туралы заң жобасынан 24-бапты алып тастауды сұрап хат жазды. Актриса жануарларды қорғау туралы жаңа заң жобасында көптеген жақсы ережелер бар екенін атап өтті. Алайда, қаңғыбас жануарларға қатысты олардың өлтірілуін заңдастыратын өте қауіпті баптар бар екенін атап көрсеткен.