Алматыда халықаралық іздеуде жүрген күдікті мен оның серігі ұсталды

Алматы полициясының қызметкерлері жаңа жыл түні оңтүстік мегаполисте 10 ұрлық жасаған қос пәтер тонаушыны  ұстады, деп хабарлайды Polisia.kz .

Жамбыл облысының екі тұрғыны қаланың Алмалы және Бостандық аудандарында әрекет жасап, бөтеннің пәтерлеріне кіріп, сол жерден бағалы заттарды ұрлаған. Қазіргі уақытта қылмыстық жұптың 10 ұрлық оқиғасы белгілі болды.

— Шабуыл жасаушылар стандартты схема бойынша әрекет еткен. Олар аулаларды аралап, көпқабатты үйлердің терезелері мен кіреберістерін қарап, пәтерде біреудің бар-жоғын тексеріп, кіреберіске кіріп, кілтті таңдап немесе құлыпты бұзып есікті ашқан. Барлық құнды заттарды - ақшаны, ұсақ-түйек бұйымдарды, түрлі зергерлік бұйымдарды алып кетіп отырған. Бірі бөтеннің үйін тонаса, екіншісі көлікте күтіп отырған, - деді  Алматы қалалық полиция департаменті Криминалдық полиция басқармасының бастығы Қуатбек Науатов.

Оның айтуынша, күдіктілер 1996 және 2000 жылы туған. Олар полиция арнайы жасақтарының көмегімен Бостандық ауданы ПБ, ҰҚК арнайы жасағының қызметкерлері жедел-іздестіру іс-шаралары барысында ұсталды.

Соңғы ұрлық кезінде пәтер тонаушылар сандық жабдықтар мен ақша алып кеткен. Күдіктілер заттай айғақтардан құтылып үлгермеген. Олар ұстау кезінде  қылмыстық іске қосылды.

— Ұсталғандардың бірі Қазақстанның басқа аймақтарында бірқатар ұрлық жасағаны үшін халықаралық іздеуде болған. Қазір екеуінің де осыған ұқсас қылмыстарға қатысы бар-жоғы тексерілуде, - деді полиция басшысы.

Қылмыс жасағандар уақытша ұстау изоляторына қамалды. ҚР Қылмыстық кодексінің 188-бабының 3-бөлігі бойынша сотқа дейінгі тергеу амалдары жүргізілуде.