Алматыда ғаламтор сапасына ашуланған ер адамға қатысты тергеу жүріп жатыр

Түркістан облысының тумасы ашуға булыққаны үшін қылмыстық қудалауға түсті, деп хабарлайды Orda.kz порталы.

8 ақпанда Алматы полициясына Tele2 байланыс орталығынан хабарлама түсті: телефоннан белгісіз біреу жарылыс жасаймын деп қорқытып, қызметкерлерге қоқан-лоқы көрсеткен. Жедел іздестіру барысында Алматыдағы «Строй сити» базарында жүк тиеуші болып жұмыс істейтін Түркістан облысының тумасы ұсталды.

Жұмыс орнына келген ер адам телефонында интернеттің жоқ екенін байқайды. Tele2 байланыс орталығына қоңырау шалғанда оператор тарифті қайта қосып, 4000 теңге көлемінде төлем жасауы керек екенін айтқан.

«Абонент ашуға беріліп, әдепсіз сөздер айтып, қоқаң-лоқы жасайды. Кейінірек ол сол кезде не айтқаны есінде жоқ екенін мойындады. Қазіргі уақытта тергеу амалдары жүргізіліп жатыр» делінген жазбада.