Алматыда есірткі «жасырғыш»  ұсталды

Синтетикалық есірткі таратушы «сату мақсатынсыз сақтағаны» үшін 40 тәулікке қамауға алынады.

Алматыда полицейлер құрамында синтетикалық есірткі салынған жиырма шақты қалташасы бар 19 жастағы жас жігітті ұстады. Ұсталған азаматтың өзі есірткі жасырғыш  болып жұмыс істейтінін айтты. Бірақ полицейлер жігіттің мойындауына қарамастан, «Есірткіні өткізу мақсатынсыз заңсыз алу, сақтау, тасымалдау» (ҚК 296-бабының 2-бөлігі) бабы бойынша іс қозғады.

Ұсталған адам полицияға жұмыстың барлық схемасын айтып берді: ол тауарларды сақтау орындары туралы хабарламаларды желі арқылы алады, төлем криптовалютамен беріледі. Ол ең көп дегенде қырық тәулікке қамауға алынады. Дегенмен есірткі тарату бабының (297-бап) ең төменгі мерзімі тәркілеумен бес жыл бас бостандығынан айыру екенін еске саламыз.