Алматыда есірткі зертханасы анықталды

Алматы, Астана және Орал қалаларында жүргізілген жедел іс-шаралар барысында есірткі заттарын шетелден әкеліп, кейін зертханаларда дайындаған топ ұсталды.

Бұл туралы Қаржылық мониторинг агенттігі хабарлады.

Өндірілген есірткілерді қарапайым тауар түрінде тасымалдаған тұлғалар анықталып, ұсталды. 

Қаржы мониторингі агенттігі Алматы полиция департаменті қызметкерлерімен бірлесіп, мемлекеттік шекара арқылы аса ірі көлемдегі есірткінің заңсыз айналымын жүргізген бір топ адамды ұстады.

«Өткізілген іс-шаралар нәтижесі бойынша шамамен 60 грамм гашиш, 700 грамм марихуана тәркіленді. Сондай-ақ Алматы қаласында есірткі белгілері бар өсімдік тектес заттарды өсірумен айналысқан зертхана анықталды» делінген хабарламада.

Қазіргі уақытта сотқа дейінгі тергеу амалдары жүргізілуде. Ұсталған төрт азамат уақытша ұстау изоляторына қамалды.