Алматыда есірткі сатушы мен порностудия иесі ұсталды

Түнгі клубтардың бірінің 20 жастағы бармені есірткі сатты деген күдікке ілінді. Ал оның клиенті Алматыда порностудия ашып, басқарып отырды деген  күдікпен ұсталды.

Алматыдағы элиталық шағын аудандардың бірінде орналасқан студияда 18 және 22 жастағы екі қыз жұмыс істегені белгілі болды.

«Бармен жұмыс орнында ұсталды. Жеке тінту кезінде күдіктіден клиентке сатпақ болған синтетикалық есірткі заты салынған пакет тәркіленді. Есірткі сату мәмілесі  сәтсіз аяқталды. Сараптама қорытындысына сәйкес, зат психотроптық зат меткатинон – 4-метилметкатинон (мефедрон) аналогы болып шықты. Сонымен бірге, осы клубтың тұрақты келушілерінің бірі 26 жастағы азаматқа қатысты да жедел және арнайы шаралар жүргізілді»  деп хабарлады ҚР ІІМ.

Келушінің үйінде тінту жүргізілгені нақтылануда. Ол жерде полицейлер нашақорлардың ұясына айналған  порностудия тапты. 6 адам ұсталды.