Алматыда еріктілер көпбалалы отбасыға баспана алып береді

Алматыда еріктілер жертөледе тұратын алты баласы бар отбасына 15 млн теңге жинады.

Алматы телеарнасының хабарлауынша, жаңа туған үшемдерге тәулік бойы күтім қажет болғандықтан, балалардың анасы жұмыс істемейді. Қазір олар әлі ауруханада жатыр. Босанар алдында оған коронавирус диагнозы қойылған, бірақ сәбилер мерзімінен бұрын болса да дүниеге дені сау болып келген. Олардың жалпы салмағы 1700-1800 кг.

Үшем – екі ұл, бір қыз.

Отбасының әкесі 52 жастағы Ержан Жанбауов көше сыпырушы болып жұмыс істейді. Ауыр жұмысына отағасы 70 мың теңге алады. Оны үй жалдауға және отбасын асырауға жеткізу қиын.

«Бейжай отырмаған адамдарға алғыс айтқым келеді. Әрине, бейтаныс адамдардан көмек сұрау маған ыңғайсыз. Мен еркекпін, ұятқа қалдым. Күнде жұмыс істеймін, отбасымды асырау үшін аула сыпырамын» деді Алматы тұрғыны.

Оның отбасы тар жертөледе тұрып жатқанына бір жылдан асты. Үлкен балалары мектепке барады, ата-аналарына көмектеседі. Анасы ауруханада жатқанда, олардың тәтесі, әкесінің әпкесі балаларға қарап отыр.

Ол Ержан Жанбауовтың жалақысы балалардың тамағы мен оқу құралдарына әрең жететінін айтты.

Көп балалы отбасының оқиғасы қазақстандықтарды елең еткізді. «Елге Көмек» қайырымдылық қорының еріктілері бір тәулікте 15 млн теңгеден астам қаражат жинап үлгерді. Қазір олар пәтер іздеп жатыр.