Алматыда ер адамды зорлаған күдіктілер ұсталды

Алматыда 30 жастағы жігітті топтасып зорлады деген күдіктілер ұсталды.

Алматы қалалық полиция департаменті баспасөз қызметінің хабарлауынша, күдіктілер ұсталып, уақытша ұстау изоляторына қамалды.

- Күдіктілер жедел іздестіру шаралары арқылы ұсталды. Олар уақытша ұстау изоляторына қамалды. Ұсталғандар 2001 және 2003 жылы туған азаматтар. Олардың Алматыда тұрақты жұмысы жоқ, - деп хабарлады ПД.

«Жыныстық сипаттағы зорлық-зомбылық әрекеттері» бабы бойынша қылмыстық іс қозғалып, сот-медициналық сараптама тағайындалды.

Еске салсақ, Алматыда үш ер адам өзінің танысын дәстүрлі емес жыныстық бағдары үшін зорлап, шариғат қағидаттарымен өмір сүруге үйреткен. Сонымен қатар одан мұсылмандардың намысына тигені үшін, ақша бопсалаған.