Алматыда ер адам көлік ұрлап, адам өліміне әкелген жол апатына ұшырады

Алматыда ер адам көлікті ұрлап, адам өліміне әкелген жол апатына ұшырады, деп хабарлады қалалық полиция департаментінің баспасөз қызметі.

Хмельницкий мен Гетте көшелерінің қиылысында Toyota Prado және Jeep Grand Cherokee көліктері соқтығысты. «102» пультіне «Тойота Прадо» көлігінің ұрланғаны туралы ақпарат келіп түскен. Иесі көліктің Сейфуллин даңғылының бойында тұрғанын хабарлады. Жедел іздестіру шаралары барысында күдіктінің жеке басы анықталды. Ол 20 жастағы алматылық болып шықты.

Алматы қалалық полиция департаменті криминалдық полиция басқармасының бастығы Қуатбек Науатовтың айтуынша, камералар ұрланған көліктің қатты жылдамдықпен келе жатқанын көрсеткен.

«Жол апаты салдарынан Grand Cherokee көлігінің 19 жастағы жолаушысы ауруханада көз жұмды, ал жүргізуші әлі ауыр халде жансақтау бөлімінде жатыр. Тойота жүргізушісі жол апатынан кейін оқиға орнынан қашып кеткен. Анықталғандай, ол мас болған» деп түсіндірді Науатов.

Қазіргі уақытта ұсталған азаматқа қатысты қылмыстық әрекетті құжаттандыру шаралары жүргізілуде. Қылмыстық іс ҚР Қылмыстық кодексінің 345-бабы, 347-бабы және 200-бабы бойынша тергелуде.

«Шабуылдаушы уақытша ұстау изоляторына қамалды. Ұсталған азаматтың артында екі рет соттылығы бар» деп қосты полицейлер.