Алматыда ер адам әйелін супермаркетте пышақтап өлтірді

Алматыда ер адам отбасылық жанжалдан кейін әйелін өлтірді. Оқиғаның мән-жайы белгілі болды.

Алматы қаласы полиция департаментінің хабарлауынша, ер адам әйелін жұмыс орнында өлтіріп кетті. Оқиға Наурызбай ауданындағы супермаркеттердің бірінде орын алды.

«Келушілер қан дақтары бар әйелді көріп, полиция шақырған. Ерлі-зайыптының таңертеңнен бері телефон арқылы жанжалдасқаны белгілі болды. Ер адам әйелімен сөйлесу үшін оның жұмыс орнына келді» деп хабарлады полиция.

Оқиғаның егжей-тегжейін тергеу барысында тәртіп сақшылары анықтайды. Әзірге әйелге күйеуі бірнеше рет пышақ жарақатын салғаны белгілі, нәтижесінде ол қайтыс болды.

Сондай-ақ, өлтірілген адамның таныстары мен әріптестеріне сауалнама жүргізу кезінде ерлі-зайыптылар арасындағы жанжал жиі болатыны анықталды. Соңғы бірнеше ай оларда ажырасу процесі жүрді.

Ұсталған адам алғаш кінәсін мойындамай, тек жауап алу кезінде ғана мойындады.

Тергеу аяқталғаннан кейін іс сотқа беріледі. Қылмыстық кодексінің 99-бабы бойынша «адам өлтіру» бабы бойынша ер адам сегіз жылдан он бес жылға дейінгі мерзімге бас бостандығынан айрылуы мүмкін.