Алматыда ер адам интернет арқылы жұртты тонады

Алматыда ер адам интернет көмегімен елді тонады, деп хабарлады Polisia.kz.

41 жастағы Алматы облысының тұрғыны интернет-банкинг арқылы адамдардың ақшасын ұрлаумен айналысқан, сонымен қатар басқа тұтынушылар атынан онлайн-несие алған.

«Оның үстіне азамат К.-ның қылмыстық ісі жүйелі сипатта болған. Осындай төрт жағдайға қатысы бары дәлелденді. Бір жағдайда жас әйел шабуылдаушыдан жарақат алды. Интернет-банкингті қолданып, қаскүнем өзінің кәртішке шотына шамамен төрт миллион теңге аударған. Сонымен қатар ол интернетте жеке деректері сақталған, жеке фотосуреттері бар адамдарды тауып, электронды қосымшаларды қолдана отырып, олардың аттарынан онлайн-несие ашқан. Тек Бостандық ауданында үш бірдей оқиға тіркелді», - деді Алматы қалалық полиция департаментінің криминалдық полиция бөлімінің бастығы Еркін Іңкәров.

Еске салсақ, интернет-технологияларды қолдану арқылы жасалған қылмыстық құқық бұзушылықтарды ашуға және тергеуге бағытталған «Алаяқтыққа қарсы» республикалық жедел-алдын алу шарасы өткен.