Алматыда ер адам қарияны таяқтың астына алды

Алматыда көлік жүргізушісі қарияны таяқтың астына алды. Қалалық полиция департаменті бастығының орынбасары Рустам Әбдірахманов қазіргі таңда ер адам іздестіріліп жатқанын айтты.  

Жүргізушіге шабуыл жасаған видео желіде тарап кетті. Кадрларда жүргізушінің аялдамада тұрған қарт адамға жақындап, таяқпен бірнеше рет ұрғаны көрінеді. Сонымен бірге ол балағат сөздер қолданған. Экран сыртында жігітті тоқтатуға тырысқан әйелдің дауысы естіледі.

Бұл видеоға Алматы полициясы жауап берді. 6 ақпанда қалалық полиция басқармасының тергеу бөлімі БАҚ пен әлеуметтік желілерге мониторинг жүргізе отырып, аталған факті бойынша процессуалдық тексеруді бастағаны хабарланды. Олар күдіктіні іздеп жатыр.

Тексеріс барысы полиция бөлімінің бақылауына алынды.