Алматыда екі шетелдік аса ірі көлемде есірткі өндірген

Алматыда Ұлттық қауіпсіздік комитеті аса ірі көлемде синтетикалық есірткі өндірумен және таратумен айналысқан шетелдіктерді ұстады, деп хабарлайды Orda.kz.

«2024 жылдың 3 қаңтарында Алматы іргесіндегі жалдамалы жеке үйде жедел уәкілдер екі шетелдік азаматты есірткі өндіру кезінде парамен ұстады. Тінту кезінде заңсыз айналымнан 30 келі дайын өнім, «альфа-PVP» психотроптық заты, сондай-ақ 5,5 тоннадан астам прекурсорлар тәркіленді» деп хабарлады Ұлттық қауіпсіздік комитеті.

Хабарланғандай олар есірткіні интернет арқылы сатпақшы болған.

«Сот шешімімен оларға қамауға алу түріндегі бұлтартпау шарасы тағайындалды. Сотқа дейінгі тергеу амалдары жүргізілуде» деп толықтырды Ұлттық қауіпсіздік комитеті