Алматыда екі азаматқа референдумға қатысуға шектеу қойылды

Алматы қаласы Бостандық ауданындағы 243 сайлау учаскесінде бір азаматқа референдумға қатысуға шектеу қойылды, ал журналистке кәсіби қызметін жүзеге асыруға жол бермеді, деп хабарлайды Orda.kz.

Белгілі болғандай, бұл азамат Астана қаласының тұрғыны болып шықты, ол референдумға дауыс беруге келгенімен, азаматтық құқығын жүзеге асыра алмады.

«Ер адам Астана қаласының тұрғыны. Заң бойынша ол отыз күн бұрын атқарушы органға өтініш жазуы немесе тұрғылықты жері бойынша есептен шығару парағын алуы керек еді», - деп түсіндірді 243 сайлау учаскесінің төрайымы Анар Белбеуова.

Ал журналистке құжаттарын дұрыс толтырмағандықтан  кәсіби қызметін жүзеге асыруға рұқсат берілмеді.