Алматыда EGov сау адамды аурулар қатарына тіркеді

Белгілі әлеуметтік белсенді Евгений Мұхамеджанов eGov.kz порталында өзінің және әйелінің ауруханада жатқан коронавируспен ауыратын науқастар тізіміне енгізілгенін мәлімдеді.

Бұл туралы Orda.kz хабарлады.

Оның айтуынша, олардың ПТР сынақтары теріс нәтиже берген. Ер адам карантиндік ауруханада екені және сол жерден кері нәтижемен шығарылғаны туралы білген.

– Мен 28 қаңтарда, ал жұбайым 30 қаңтарда ауруханаға жатқызылдық деп тұр. Ең қызығы, ауруханаға жатқызған және шығарған жеке куәлік нөмірі бар. Біз осыдан бір апта бұрын тест тапсырып, одан теріс нәтиже алғанымызды анық білеміз. Оның үстіне, 30 қаңтарда клиникадан бір әйел қоңырау шалып, менің жұбайымның қал-жағдайын сұрап, ол туралы мәліметтерді бір жерден алғаны туралы айтқан. Мен ол кезде мәселені егжей-тегжей анықтамадым, - деп жазды Мұхамеджанов Facebook парақшасында.

Алматы қаласы санитарлық-эпидемиологиялық бақылау департаменті бұл жағдайға түсініктеме берді.

– Бұл азамат Египеттен 24 қаңтарда ұшып келіп, стационарға ковидті зерттеу үшін орналастырылды. Ол ПЦР тапсырды, содан кейін кері нәтиже шыққандықтан үйге қайтарылды. Бұл мәлімет Денсаулық сақтау министрлігінің ақпараттық жүйесін eGov-те автоматты түрде сақталады, - деп түсіндірді Санитарлық-эпидемиологиялық бақылау басқармасы бастығының орынбасары Садуақас Байғабылов.

Алматыдағы жұқпалы аурулар ауруханаларына келетін болсақ, онда орын жоқ.