Алматыда диссидент ақын Атабектің көрмесі өтті

Алматыда диссидент ақын Арон Атабекке арналған сурет көрмесі өтті.

18 наурызда Алматыда диссидент ақын Арон Атабекке арналған сурет көрмесі өтті. Қазақстан поэзиясының майталмандары Арон Атабек бейнесін жаңа қырынан ашуға тырысты. Көрменің ашылу салтанатына 30-дан астам адам қатысты. Олардың қатарында белгілі өнерпаздар Қанат Бөкежанов, Дәурен Қастеев, Ахмет Елеусізов, Айгүл Қыздарбекова, Нұржан Сауытбеков бар.

Көрмеде картиналардан бөлек Арон Атабек туралы жазылған басылым беттері мен ақынның өлеңдері жинақталған кітаптар қойылған. Арон Атабектің қызы Алма Нұтышева көрмеге келген қонақтарға алғысын айтып, әкесін еске алды.

— Әкем өмірінің 15 жылын халқына арнады. Ол өз елінің нағыз патриоты болды. Қазақстан тарихын білетін әрбір азамат Арон Атабектің замандасымыз деп мақтанышпен айтады, – дейді Нұтышева.

Еске салайық, 2006 жылғы «Шаңырақ ісінен» кейін 18 жылға сотталып, шартты түрде түрмеден босатылған диссидент ақын Арон Атабек 2021 жылы 24 қарашада 68 жасында қайтыс болды.

1 қазанда Павлодар қаласының №2 соты Арон Атабекті (Едігеев) сырқатына байланысты жаза мерзімін өзгертіп, түрмеден босатқан болатын. 15 жылын түрмеде өткізген ақын бостандыққа шыққан соң Алматыға оралды.