Алматыда депутаттыққа кандидаттардың жиыны өтті
Қала әкімдігі рұқсат берген алғашқы үгіт-насихат жиыны М.Ганди атындағы саябақта өтті.
Бүгін Алматыдағы алғашқы үгіт-насихат жиынына 100-ге жуық адам жиналды. Адамдар плакат көтеріп келіп, өз пікірлерін айтуға тырысты. Сонымен бірге үгіт-насихат жұмыстарын жүргізіп, тәуелсіз кандидаттарға дауыс беруге шақырды.
Жиналған наразылар үкіметті басқару әдістерін, қазіргі депутаттарды және қанды қаңтар оқиғасына деген көзқарасты сынға алды. Тіпті, халықтың түйткілді мәселелері мен арман-тілектерін баяндайтын өлең де оқылды.
— Мәслихат пен Мәжілісте қанша депутат ауысса да Алматыда ештеңе өзгермейді. Сіз депутаттарыңыздың кем дегенде біреуін білесіз бе? Қаңтар қалай басталды? Халық бейбіт митингке шығып, билікпен сөйлескісі келді. Тым болмаса халыққа бір депутат шықты ма? Алматылықтар түтінге тұншығып жатқанда, депутаттар жылу электр орталығын газға көшіру мәселесін шеше ме? Қаланың бас даму жоспары талқыланып жатқанда депутаттар тұрғындарды талқылауға жинады ма? - деді Жанар Жандосова мінберден.
Айта кетейік, алаңға 15-ке жуық депутаттыққа үміткер жиналды. Барлығы алматылықтарды шетте қалмай, сайлауға келуге шақырып, кезек-кезек сөз сөйледі.
— Олар осындай елді хаосқа әкелді, - деді Жібек Әменова.
Алматылықтардың сайлауда дауыс беру жағынан белсенділігі төмен екені белгілі. Президенттік сайлауға тұрғындардың 28 пайызы келген.
«Алматылықтардың көңілі қалды. Бірақ бәрібір де бейжай қарамайық. Өз ауданыңыз бен кандидаттарыңыз туралы біліңіз. Сайлауға келіңіздер» деген дауыс естілді.
Нәтижесінде алғашқы үгіт-насихат жиыны депутаттыққа кандидаттардың ант беруімен аяқталды. Жиналған үміткерлер Қазақстан халқына адал қызмет етуге ант берді.
«Алматы – демократия бесігі. Тәуелсіздік осы жерден басталуы керек» деп түйіндеді жиынды жүргізгендер.
Барлығы қол шапалақтап, қошаметпен тарқасты.
Айтпақшы, Қазақстанда Мәжіліс депутаттарының сайлауы 19 наурызда өтеді. Мәслихат депутаттарының сайлауы да осы күнге белгіленді.
Жаңалықтар
- Астанадағы өнеркәсіптік альпинистердің өліміне кінәлі адам төрт жылға бас бостандығынан айырылды
- Қазақстандықтарға екі емес, бір ЭЦҚ кілті беріледі
- Мердігер Алматыдағы Әлия мен Мәншүк алаңын жөндеу мерзімін өткізіп алған
- 13 жасар балаға тапа-тал түсте оқ атқан: полиция қылмыскерді іздеп жатыр
- Су тасқынынан 26 мектеп зардап шекті
- Ақтау тұрғындарына қауіп төніп тұр
- Қазақстан Ресей мен Украина арасындағы келіссөздер үшін алаң беруге дайын - Абаев
- АҚШ-та Палестинаны қолдайтын студенттердің наразылығы күшейді
- Тұтынушы деректерін жоғалтқан МҚҰ қазақстандықтардан 30 миллиард теңгеге жуық табыс тапты
- Алматыда Ганди мен Батыс Желтоқсан көшелерінің қиылысындағы қозғалыс жабылады
- Астаналықтар қоғамдық көлікке көшуге шақырылды
- Жедел әрекет ету жасағы мен полицейлер арасындағы төбелес үшін бастықтар жұмыссыз қалды
- Бишімбаев пен Байжановтың соңғы сөзі: сот аяқталуға жақын ба?
- Ақмола облысының полицейі мас күйінде рөлге отырды
- Қазақстан Ресей үшін электр энергиясының жаңа негізгі ірі нарығына айналуы мүмкін
- Қазақстан Ресей үшін электр энергиясының жаңа негізгі ірі нарығына айналуы мүмкін
- Тоқаев 8-9 мамырда Ресейге сапармен барады
- Астанада мас күйінде көлік жүргізген полиция басшысы ұсталды
- Бишімбаев ісі бойынша жарыссөздер аяқталды
- Қазақстан ОПЕК+ квотасы бойынша артық мұнай өндірісін өтейді