Алматыда дабыл белгісі іске қосылады

Бүгін түскі сағат 12: 55-те Алматыда дабыл (сирена) белгісі іске қосылады, деп хабарлайды, ORDA. тілшісі.

- 2021 жылы 25 ақпанда сағат 12.55-те Алматы қаласы Төтенше жағдайлар департаменті қоғамдық ескерту жүйесінің дайындығын жоспарлы техникалық тексеруден өткізеді. Жаттығу кезінде «Назар аударыңыздар!» хабарламасымен бірге электронды дабыл іске қосылады. Оған қоса, телерадиоарналардың жұмысы автоматты түрде тоқтатылып, дабыл хабарламасы таратылады,- деп хабарлады Төтенше жағдайлар департаментінен.

Департамент Алматы қаласының тұрғындары мен қонақтарынан сабыр сақтауды сұрап, төмендегі ережелермен таныс болуды сұрайды:

• дабыл кезінде үйде болсаңыз, онда: - радиоқабылдағышты немесе теледидарды қосыңыз;
• төтенше жағдай туралы хабарламаны тыңдаңыз;
• берілген хабарламаға сәйкес әрекет етіңіз;
• көшеде болсаңыз, көшедегі дауыс зорайтқыштармен және мобильді ескерту құрылғыларымен жіберілген төтенше жағдай туралы хабарламаға құлақ асыңыз.