Алматыда Буча құрбандарын еске алу митингісіне қатысушылар ұсталды

Алматыдағы Ресей консулдығында Бучадағы қанды қырғын құрбандарын еске алуға арналған митингке қатысушылар ұсталды.

Алматыдағы Ресей консулдығында Украинаның Бучад қаласындағы қанды қырғын құрбандарын еске алу акциясына қатысушылар ұсталды.

Сенбі күні әлеуметтік желілерде тараған көптеген кадрлар полицияның наразылық білдірушілер – «Оян, Қазақстан» қозғалысының өкілдерін қалай ұстап алып, автозактарға  салып жатқанын көрсетеді. Журналист Әсем Жәпішева мен белгілі белсенді Дархан Шәріптің ұсталғаны белгілі болды.

Тұтқынға алудан бірнеше минут бұрын Украина жалауларын ұстаған белсенділер елшілік ғимаратының жанында қолдарын артқа байлап жатып алды, олар осылайша украиндық Бучадағы қайғылы оқиғаларға үн қосып, ортақтасатындарын білдірді.

 Белгілі болғандай  Ресей әскерлері қаладан шығарылғаннан кейін 400-ден астам жергілікті тұрғындардың айуандықпен өлтірілген мәйіттері табылғандығы туралы ақпарат әлемді шарлап кеткен болатын.

Ресми Киевтің де, бүкіл әлем қауымдастығының да нұсқасы бойынша, «Бучадағы қырғын» деп аталатын оқиғаға ресейлік әскерилердің қатысы болуы мүмкін.