Алматыда болжамды түрде коронавирустың британдық штаммы анықталды

Денсаулық сақтау министрі Қазақстандағы коронавирустық штамдар туралы зерттеулер жариялады.

Бұл туралы Orda.kz Денсаулық сақтау министрі Алексей Цойдың Facebook парақшасына сілтеме жасап хабарлады.

Ол Дүниежүзілік денсаулық сақтау ұйымымен бірге COVID-19 штамдарын анықтауға арналған экспресс-ПТР скринингтің жаңа әдісі енгізілгенін атап өтті.

– 17 наурызда Ұлттық денсаулық сақтау орталығы филиалының анықтамалық зертханасы Алматыдағы коронавирусты науқастардан алынған оң зертханалық үлгілерді зерттеді. Зерттеу нәтижелері бойынша «британдық», «оңтүстік африкалық», «бразилиялық» штамдарға тән мутация ықтималдығы анықталды, - деді Цой.

Ол мутацияның болуы және оның осы штамдардың біріне жататындығы туралы соңғы растама толық геномдық жүйелеу аяқталғаннан кейін бір ай ішінде жарияланатыны туралы айтты.

Еске салсақ, Коронавирустың жаңа мутациясы 2020 жылдың желтоқсанында табылды. Ұлыбританияның денсаулық сақтау департаменті коронавирустық мутацияның жоғары жылдамдықпен таралатынын растады. Симптомдары - жөтел, тамақ ауруы, тез шаршағыштық, бұлшық ет ауруы.  

2021 жылы қаңтарда премьер-министр Борис Джонсон «жаңа мутацияның өлім-жітімнің жоғарылауымен байланысты болуы мүмкін екендігі туралы кейбір дәлелдер бар» деп мойындады.