Алматыда болған өрттен 15 отбасы баспанасыз қалды

Алматыда  үй өртеніп, 15 отбасы баспанасыз қалды, екі қабатты ғимараттағы өрт түнде адамдар ұйықтап жатқанда басталған.

 Өрттен зардап шеккендердің айтуынша, көршілердің бірі күйіктің иісінен оянып, дабыл қаққан.

— Біз ұйықтап жаттық. Бір кезде «өрт!» дегенді естідік. Ұрысып, айқайлап жүр. Қорқынышты болды. Мен оны сөзбен айтып жеткізе алмаймын. Үй ескі. Өртке не себеп болғанын білмейміз, өзіміз көшеге әрең жүгіріп шықтық, - деді тұрғын Айгүл Жетпісова.

Құтқарушылар өрттен төрт адамды аман алып шықты. Олар күйік шалып, ауруханаға жеткізілді. Көмірқышқыл газымен уланған науқастардың бірі қазір жансақтау бөлімінде жатыр.

Үй түгел жанып кеткен, оны қалпына келтіру мүмкін емес. Ғимарат ескі, шамамен 80 жыл болған. Тұрғындар  әкімдіктен көмек сұрамақшы, ал шенеуніктер бұл жағдайға әлі түсініктеме берген жоқ. Полиция мен ТЖД болған оқиғаның себебін анықтау үшін комиссия құрады.