Алматыда блогер бопсалады деген күдікпен ұсталды

Полицейлердің мәліметінше, 37 жастағы ер адам өзін блогер ретінде таныcтырып, жәбірленушіден 700 мың теңге талап еткен. Әйтпесе, ол өзінің қатысуымен түсіріліген видеороликті әлеуметтік желіге жариялаймын деп бопсалаған, деп хабарлайды Orda.kz Алматы қалалық ҚДП баспасөз қызметіне сілтеме жасап.

Алматы полициясы бопсалау фактісі бойынша сотқа дейінгі тергеу амалдарын бастады.

«Кешкі уақытта ұйымдасқан қылмысқа қарсы күрес департаментінің қызметкерлері, сондай-ақ өз қауіпсіздігін қамтамасыз ету мақсатында жүргізілген арнайы операция барысында ақша алу кезінде күдікті ұсталды», деп хабарлады 7 желтоқсанда Алматы қалалық ІІД баспасөз қызметі. 

Ұсталғанның қасында көлікте тағы екі адам болған, полицияның мәліметінше, олар да қылмысқа қатысқан.

«Олардың әрекетіне тергеу органдары құқықтық баға береді. Блогердің өзі уақытша ұстау изоляторына қамалды»,  деп толықтырды Алматы полиция департаменті.