Алматыда бір топ жасөспірім қызды аяусыз ұрып соққан

26 қаңтарда "Гүлдер" саябағындағы мұз айдынында белгісіз себептермен бір топ жасөспірім кәмелетке толмаған қызды аяусыз ұрып-соққан, деп хабарлайды Orda.kz.

Алған жарақаттары салдарынан қыз бала ауруханаға жатқызылды. Дәрігерлер тексеріп,  қыздың бірнеше қабырғасы сынып, миы шайқалғанын анықтады, сондай-ақ оның тісіне салған брекеттері сынып кеткен.

Төбелеске қатысқан барлық жасөспірімдер ата-аналарымен бірге полиция бөлімшесіне жеткізілді.

«Осы факті бойынша Жетісу ауданының полиция басқармасы тексеру жүргізіп жатыр. Оқиғаға қатысқандар анықталып, полицияға жеткізілді. Балаларын тәрбиелеудегі міндеттерін тиісінше орындамағаны үшін жанжал шығарған екі жасөспірім қыздың да ата-аналары әкімшілік жауапкершілікке тартылды. Басқа жағдайлар анықталып жатыр»,  
 деп хабарлады полиция департаментінің баспасөз хатшысы