Алматыда бір айда 300-ден астам кальян шегетіндерге айыппұл салынды

2021 жылдың басынан бастап Алматыда кальян шегудің 358 фактісі анықталды. Бұл туралы санитарлық-эпидемиологиялық бақылау департаментінде полицияға сілтеме жасап хабарлады.

«Барлық құқық бұзушылар ҚР Әкімшілік кодексінің 441-бабының 1-бөлігі «Белгілі бір қоғамдық орындарда темекі өнімдерін тұтынуға тыйым салуды бұзу» бойынша жауапқа тартылды», - деп хабарлады ДСЭК баспасөз қызметінде.

Министрлік Қазақстанда қоғамдық орындарда кальян шегуге толық тыйым салынғанын ескертті.

«Кафелерде, мейрамханаларда, барларда, клубтарда, саяжайларда және көшеде темекі шегуге болмайды. Заң 2020 жылдың шілдесінде күшіне енді. Темекі бұйымдарын тек үйде қолдануға болады. Дәрігерлер мен эпидемиологтар кальян шегуден бас тартуға кеңес береді, өйткені ол темекіні тұтасымен шеккенмен тең», - деді Алматы санитарлық-эпидемиологиялық бақылау департаменті.

Кальян шеккені үшін айыппұл - 15 АЕК (43 755 теңге). Құқық бұзушылықтарды бақылау топтары анықтайды.