Алматыда белсенділерді ұстау жалғасуда

Oyan, Qazaqstan! жастар қозғалысының  тағы бес мүшесін полиция ұстады.

Журналист Әсем Жәпішева Алматы полициясы Фариза Оспан, Бота Шәріпжан, Нағашыбек Бекдайыр және Мира Оңғарова сияқты қозғалыс  белсенділерін үйлерінен алып кеткенін хабарлады. Журналист артынша  өзінің де  ұсталғаны туралы жазды.

«Олар мені Бостандық аудандық полиция басқармасына алып бара жатыр» деп қысқаша жазба қалдырды Жәпішева.

Болжам бойынша, қазір ол Бостандық аудандық полиция бөлімшесіне бет алған. Қалған белсенділердің қайда жеткізілгені белгісіз. Мәліметтер нақтыланып жатыр.

16 желтоқсанда Алматыда «Oyan,Qazaqstan!» қозғалысы белсенділерін тұтқындау басталды. Қатысушылардың бірі Бейбарыс Толымбеков өзін азаматтық көлікпен Алмалы ауданының ЖПБ-не апара жатқанын айтты. Еске салайық, былтыр Тәуелсіздік күні белсенділер де 1986 және 2011 жылдардағы оқиғаларды еске алу шаралары басталғанға дейін полиция бөлімшелеріне жеткізілген болатын.