Алматыда белсенді Арон Атабекті еске алу шарасы өтіп жатыр

Бүгін Алматыда белсенді Арон Атабекті еске алу шарасы өтіп жатыр. Еске алу жиынына Болат Әбілов, Рысбек Сәрсенбай және т.б. белгілі тұлғалар қатысты.

Сондай-ақ мемориалдық залда қайраткер туралы кітаптар қойылған стенд бар.

Арон Атабек 2006 жылы Шаңырақ ауылында жаппай тәртіпсіздік ұйымдастырғаны үшін 18 жылға сотталған. Сол жылдары билік жерді заңсыз басып алған тұрғындардың  үйлерін қиратпақ болған кезде  адамдар қарсылық көрсетіп, бір полицей қаза тапты.

Осы оқиғаға Арон Атабек  кінәлі деп танылды, бірақ ол ешқашан өз кінәсін мойындамады және мерзімінен бұрын шартты түрде босатуды немесе жазаны жеңілдетуді сұрамады. Құқық қорғау ұйымдары Атабекті саяси тұтқын деп таныды.

Арон Атабек 15 жыл түрмеде отырған соң, 2021 жылдың қарашасында сырқатына байланысты жазасын үйде өтеу үшін босатылды. Арон Атабек 2021 жылы 24 қарашада түрмеден шыққанына сегіз апта өткеннен  кейін,  68 жасында дүниеден өтті. Оның туыстары қайтыс болғаннан кейін марқұмның ақталуын сұрады, бірақ билік одан бас тартты.