Алматыда «Барахолка» аймағында өрт шықты

Алматыда барахолка аймағындағы өрт жоғары деңгейде сөндіріліп жатыр, деп хабарлайды Төтенше жағдайлар департаментінің баспасөз қызметі.

«11 қарашада сағат 10:56-да Алматы қаласы ТЖД күштері мен құралдары Жетісу ауданы, Солтүстік айналым, 7 В ықшамауданы мекен-жайына № 2-БИС шақыру бойынша жоғары деңгейдегі өрт сөндіру қызметі жіберілді» делінген хабарламада.

Контейнерлердің бірі жанып жатқаны, қатты түтін болғаны анықталды.

ТЖД хабарлауынша, күштер мен құралдар жұмылдырылды, олар дереу өртті сөндіруге кірісті, өрт саптамалары әкелінді, газ-түтіннен қорғау қызметі адамдардың бар-жоғын барлау жұмыстарын жүргізді.

«Сағат 12:13-те Алматыдағы «Барахолка» базарындағы 2000 шаршы метр аумақта болған өрт ауыздықталды. Сөндіру жұмыстары жалғасуда» деп хабарлады ҚР Төтенше жағдайлар министрлігінің ресми өкілі Руслан Иманқұлов.