Алматыда балабақшалар жұмысын қалпына келтіру туралы шешім қабылданды

Алматыдағы балабақшалар 20 қаңтардан бастап жұмысын жалғастырады. Бұл туралы қалалық білім бөлімінің басшысы Ләззат Жылқыбаева айтты.

Төтенше жағдайға байланысты Алматыдағы барлық білім беру және мектепке дейінгі мекемелердің қызметі тоқтатылған болатын.

Сондай-ақ тиісті басқарма басшысы 31 қаңтарға дейін мектептерде сабақ қашықтан өтетінін қосты. Олар 17 қаңтардан басталады.

Университеттер мен колледждердің студенттері аралас форматта оқитын болады:  дәрістер – онлайн, практикалық сабақтар – офлайн. Қосымша білім беру мекемелерінде 10 адамға дейін топтарда оқуға болады, жеке сабақтар әдеттегідей өткізіледі.