Алматыда бағдаршам кесірінен ұзын-сонар кептеліс  пайда  болды

Алматының орталық көшелерінің бірінде бағдаршамның ажыратылуы салдарынан көлік тығына пайда болып, жұрт жұмыстан қалды.

Сәуірдің 7-сі күні таңертең Төле би көшесінде бірден бірнеше бағдаршам жұмыс істемеді. Куәгерлердің айтуынша,  Розыбақиев көшесінен Мұқанов көшесіне дейінгі  бір де бір бағдаршам  жұмыс істемеген.

Сонымен қатар, Әуезов көшесінде – Төле биден Құрманғазы көшесіне дейін бағдаршам сөніп тұрғаны хабарланды.

 «Алатау жарық» компаниясының мәліметінше, оған электр қуатының өшуі себеп болған. Өшіру аймағына Айманов – Төле би – Әуезов – Қарасай батыр көшелері кіреді.

«Жарықты өшіру себебі анықталуда. Екі сағат ішінде Алмалы ауданында орналасқан бірқатар ғимараттарға электр қуатын беру қалпына келтіріледі. Уақытша қолайсыздықты түсініп, бағыттарыңызды алдын-ала  реттеңіздер. Алматы қаласы бойынша анықтама телефоны: 356-99- 99» деп хабарлады компания.