Алматыда «Аюсай» орталығына дейін шаттл іске қосылды

Енді әр сенбі және жексенбі күндері Аюсай орталығына келушілер  жеке көлікпен немесе таксимен ғана емес, сонымен қатар шаттл - автобуспен де жетуіне болады.

Бір жақты жол жүру құны бір адамға 1000 теңге, барып қайту  2000 теңге.

«Аюсайға қатынайтын автобус әл-Фараби көшесінің бойындағы Тұңғыш Президент саябағының жанындағы тұрақтан аттанады. Сіз ол автобусты қоғамдық көлік аялдамасының жанындағы тұрақтан табасыз, онда сәйкестендірілген жазу болады» делінген келушілер орталығының Instagram-дағы ресми парақшасындағы хабарламада.

Маршрут: автотұрақ – «Өткізу пункті» аялдамасы – «Аюсай» орталығы.

Қазіргі уақытта тек Kaspi QR арқылы төлеуге болады. Ұлттық саябаққа кіре берісте жолаушылар экологиялық төлемді өз бетінше жасайды.