Алматыда автотұрақ өртенді: оның қараусыз қалғаны белгілі болды

Қалалық төтенше жағдайлар департаментінің мәліметінше, 3 қыркүйек күні сағат 16:56 шамасында оларға  Бостандық ауданы Рысқұлбекова көшесі, 35-мекенжайында автотұрақ өртеніп жатқаны туралы хабарланды.

— Оқиға орнына өрт сөндірушілер жеткенде қараусыз қалған тұрақта құрғақ ағаштар, қоқыстар мен ескі автодөңгелектердің жанып жатқаны белгілі болды. Дереу өрт оқпандары бағытталып, автоцистерналар гидранттарға орнатылды, судың үздіксіз берілуі қамтамасыз етілді, – деген мәлімет алынды департаменттен.

Өрт сөндіру жұмыстарына 3 бірлік техника мен 13 маман жұмылдырылды.

Қызыл жалын 40 шаршы метр аумақты шарпып үлгерді.

Өрт кешкі  17:28 сағатта толықтай сөндірілді.

Бұған дейін Нұр-Сұлтан қаласында мектептен өрт шығып, сабақ уақытында балалар отқа орана жаздағаны туралы хабарлағанбыз.