Алматыда автобустың соқтығысуы салдарынан 16 жолаушы зардап шекті

Алматыда автобустың соқтығысуы салдарынан 16 жолаушы зардап шекті, біреуі қаза тапты.

Бұл туралы қалалық полиция департаментінің баспасөз қызметі хабарлады.

«Жол апаты салдарынан автобустың 16 жолаушысы медициналық көмекке жүгінді, тағы бір жолаушы оқиға орнында қайтыс болды» делінген хабарламада. 

Адам өліміне әкелген жол-көлік оқиғасы бойынша қылмыстық іс қозғалды. Тиісті сараптамалар тағайындалды.

«Бұл жол-көлік оқиғасы сағат 14.20-да Алматының Алмалы ауданында болды. Алдын ала мәлімет бойынша, Kia көлігінің жүргізушісі Мақатаев көшесімен оңтүстік бағытта өтіп бара жатып, «Сити-Bus» ЖШС жеке тасымалдаушысы қызмет көрсететін 18-ші бағыттағы автобуспен, артынша кедергіге соқтығысқан», - деп түсіндірді полицейлер.