Алматыда автобус жүргізушісі бір әйелді қағып мерт қылды

Алматыда №97 бағытындағы автобус бір келіншекті қағып кетті. Әйел оқиға орнында көз жұмды, деп хабарлайды Orda.kz.

Жол апаты 7 тамыз таңертең Айнабұлақ ықшамауданында болды. Келіншек 1957 жылы дүниеге келген. Жол апаты болған жерден түсірілген бейнежазба әлеуметтік желілерде тарады.

Алматы қалалық полиция департаментінің хабарлауынша, осы жол-көлік оқиғасы бойынша қылмыстық іс қозғалып, қажетті сараптамалар тағайындалды.

«Yutong маркалы автобус Мақатаев көшесімен оңтүстік бағытта келе жатып, Жұмабаев көшесімен қиылысында оңға бұрылған кезде сол бағытта жолдан өтіп бара жатқан жаяу жүргіншіні қағып кеткен».

Еске сала кетсек, 15 шілдеде Алматының Боралдай көшесінде МАЗ маркалы кран, №10 маршруттағы автобус және бірнеше жеңіл көлік соғылып ірі жол апаты болды. Сол жол апатында 23 адам зардап шеккен еді.