Алматыда автобус астында қалған жеті жасар бала бақилық болды

Алматы қаласының Іргелі ауылында «Асыл Арман» тұрғын үй кешені тұрағында мектеп микроавтобусы баланы басып кетті, деп хабарлайды Orda.kz.

Полиция редакцияға хабарлағандай, JAC микроавтобус жүргізушісі артқа жүріп бара жатып, жеті жасар баланы басып өткен. Бала алған жарақаттарынан оқиға орнында бақилық болды.

«Қазіргі уақытта сотқа дейінгі тергеу жүргізілуде, оның нәтижесі бойынша процестік шешім қабылданады»,   деп хабарлады Алматы облысының полиция департаменті.

Біздің дереккөздеріміздің хабарлауынша, баланы басып өткен микроавтобус мектеп оқушыларын тасымалдап жүрген.