Алматыда Атлетико Мадрид футбол академиясы ашылады

ҚР Туризм және спорт министрі Ермек Маржықпаев елімізде Атлетико Мадрид футбол клубының академиясы ашылатынын хабарлады.

«Жақын арада Алматыда Испаниядағы жетекші клубтардың бірі «Атлетико Мадридтің» академиясы ашылады. Келіссөздер қазірдің өзінде аяқталу сатысында», - деді Маржықпаев сұхбатында.

Атлетико - Испаниядағы ең атақты клубтардың бірі. Ол Испанияның он бір дүркін чемпионы, Испания кубогының он дүркін жеңімпазы, 2009/10, 2011/12 және 2017/18 маусымдарында УЕФА Еуропа лигасының үш дүркін жеңімпазы.