Алматыда әскери қызметкер Макаров тапаншасынан жарақат алды

17 қыркүйекте 5571 әскери бөлімінде Макаров тапаншасынан әскери қызметкер жарақат алды деп, хабарлайды Orda.kz

Кейбір ақпарат көздерінде әскери қызметкер лейтенантқа оқ атты деген мәлімет тараған болатын. Біз ҚР Ұлттық ұланынан оқиғаға қатысты нақты ақпарат сұрастырдық. Баспасөз қызметінен тек қысқа қайырған жауап алдық.

«Полигонда  оқу ату жаттығулары аяқталғаннан кейін, сарбаз қару тапсыру кезінде Макаров тапаншасынан оң қолының сұқ саусағынан жеңіл жанасу жарақатын алды. Медициналық көмек оқиға орнына көрсетілді»,  деген жауап болды.

Оқиғаның себептері анықталып, қызметтік тергеу жүргізілуде, деп қосты өңірлік қолбасшылықтың баспасөз қызметі.

«Оқ атқан  кім?» деген сауалымызға баспасөз қызметі жауап берген жоқ.