Алматыда Ashyq көшбасшыларының жұмыс уақыты ұзарды

Алматы қаласының бас санитар дәрігері Жандарбек Бекшин карантин шектеулерi туралы жаңа қаулыға қол қойды.

Жаңа қаулыға  сәйкес, демалыс күндері барлық Ashyq нысаны үшін сағат – 00.00 дейін, Ashyq көшбасшылары үшін сағат 02.00-ге дейін жұмыс істеуге рұқсат етілген, алайда қызметкерлер мен клиенттерде «жасыл» мәртебе болуы қажет.

Жұмыс күндері де барлық Ashyq нысандары 00:00-ге дейін, Ashyq көшбасшылары 02:00-ге дейін қызмет атқарады.

Сонымен қатар, Ashyq көшбасшыларына келесі жеңілдіктер беріледі: «қызыл» аймақта олар «сары»  аймақтың шарттарымен жұмыс істейді. Құжаттың толық мәтіні санитарлық-эпидемиологиялық бақылау департаменті сайтында жарияланды.

 Қаулы қол қойылған күннен бастап күшіне енеді.