Алматыда Қаржы агенттігі бір миллион долларды өртеп жіберді

Алматыда Қаржы агенттігі бір млн долларды өртеп жіберді. Ірі көлемдегі қаражат жалған ақша болып шыққан. Жалған ақшаны айналымға жібермек болған азаматтар ұсталып, 6 жылға сотталды.

Айта кетейік, Т. Қалиев 20020 жылдың қыркүйек айынан қараша айына дейін 100 АҚШ доллары болатын жалған купюраларды бірнеше рет өткізген.

– Қызметкерлер жедел бақылаудағы сатып алуды жүргізіп, оның барысында қала тұрғыны Т.Қалиев 293 мың АҚШ доллар болатын жалған купюраларды өткізу кезінде ұсталды. Тергеу мәліметтері бойынша, Т.Қалиев 2020 жылдың қыркүйегінен қарашасына дейін номиналы 100 АҚШ доллары болатын жалған шетел валютасын бірнеше рет өткізген. Тінту нәтижесінде заңсыз айналымнан 975 мыңнан астам жалған доллар тәркіленді.

– Т.Қалиевке 6 жылға бас бостандығынан айыру жазасы тағайындалды, - деді Қаржылық мониторинг агенттігінің баспасөз қызметі.