Алматыда қару-жарақ дүкеніне шабуылдағандар ұсталды

Алматыда қару-жарақ дүкендерін тонады деген күдікпен екі адам қамауға алынды.

Бұл Жамбыл облысының 44 жастағы тұрғыны мен Алматы облысынан келген 24 жастағы қонақ жігіт болып шықты.

Қалалық полиция департаменті баспасөз қызметінің хабарлауынша, ұстау кезінде олардан мылтық , аңшы винтовкалары, патрондар, сауыт-сайман, оптикалық көзілдірік, дүрбі, әскерилендірілген киімдер, ұялы телефондар мен біраз киімдер  тәркіленді.

Күдіктілер тонауға қатысып, дүкендерді  тонағандарын мойындады. Олар қолға түскен олжаларымен қаладан  кетіп қалуды  жоспарлағандарын айтты.

Қазіргі уақытта ұсталғандардың жаппай тәртіпсіздікке және басқа да заңсыз әрекеттерге қатысы бар-жоғы тексерілуде.