Алматыда «қаралы қаңтар» оқиғасына ескерткіш қойылады

Алматы әкімдігі қаңтардағы қайғылы оқиғаға арналған ескерткіштің концепциясына байқау жариялады.

Тоқаев жақындағы  Алматыға сапары барысында Алматы оқиғаларын мемориалдық кешен ретінде мәңгі есте қалдыруды тапсырған болатын.

Қала құрылысын жоспарлау және урбанистика бөлімі ашық конкурсқа өтінімдерді 2022 жылдың 22 қаңтарынан 10 ақпанға дейін қабылдайды. Байқауға жеке авторлар да, шығармашылық ұжымдар да қатыса алады.

Байқау шартында ескерткіш қоршаған ортаға үйлесімді түрде сәйкес келуі керектігі басым айтылған. Өндірісте жоғары сапалы материалдарды пайдалану қажет.

Конкурс қорытындысы бойынша шешімді Алматы қаласының тарих және мәдениет ескерткіштерін қорғау жөніндегі комиссиясы қабылдайды.

Ескерткіш Сәтбаев көшесінің оңтүстігіндегі және Назарбаев даңғылының батысындағы қалалық әкімдік жанындағы алаңда орнатылады деп күтілуде.

Қосымша ақпаратты Алматы қ., Абай даңғылы, 90, (3-қабат) мекенжайы бойынша немесе 8 (727) 240-80-00 телефоны арқылы  алуға болады.