Алматыда Антикордың жалған қызметкері ұсталды

36 жастағы ер адам жол ережесін бұзғаны үшін оны тоқтатқан полицейлердің алдында жалған құжаттарын көрсетпек болған.

Ол өзін құқық қорғау органдарының қызметкерлеріне Сыбайлас жемқорлыққа қарсы қызметтің белсенді қызметкері ретінде таныстырды. Бірақ патруль қызметкерлері  әлдеқайда айлалы  болып шықты, олар сыбайлас жемқорлыққа қарсы нағыз күрескерлерді шақырды.

«Құжаттарды тексеру барысында құқық бұзушы ҚР Мемлекеттік қызмет істері және сыбайлас жемқорлыққа қарсы іс-қимыл агенттігі департаменті қызметкерінің жалған қызметтік куәлігін көрсеткен. Аталған азамат ұсталып, уақытша ұстау изоляторына қамалды» деп түсіндірді Сыбайлас жемқорлыққа қарсы қызмет.

Тергеу жалғасуда. Тергеу мүддесіндегі басқа ақпарат жария етілмейді. Ал, Сыбайлас жемқорлыққа қарсы іс-қимыл агенттігі қызметтік куәлікті қолдан жасау ҚР Қылмыстық кодексінің 385-бабы бойынша қылмыстық жауапкершілікке әкеп соғатынына назар аударады.

Ал аталған азаматқа қатысты заңсыз әрекет фактілері бойынша қандай да бір ақпарат болса, департамент Сыбайлас жемқорлыққа қарсы қызметтің 1424 Call-орталығына немесе 8 (7172) 90-94-08 телефонына хабарласуды сұрайды.