Алматыда «Антикордың» тағы бір жалған қызметкері ұсталды

Сыбайлас жемқорлыққа қарсы қызмет тағы бір жалған қызметкерді ұстады, одан мекеменің жалған куәлігі табылды.

«19 қаңтарда Сыбайлас жемқорлыққа қарсы қызмет 1983 жылы туған азамат Күржібаев Қанатты (бұрынғы тегі Құралұлы) әшкереледі, ол өзін Сыбайлас жемқорлыққа қарсы қызметтің қызметкері ретінде таныстырып,  алаяқтық жолмен Алматы облысындағы кәсіпорындардың бірінің басшысына қамқорлық жасаймын деп, оған тиесілі 1 млн. теңгені заңсыз иемденген» делінген ведомство хабарламасында.

Анықталғандай, тінту кезінде ұсталған азаматтан қаржы полициясы қызметкерінің 2014 жылы күші жойылған қызметтік куәлігі алынған. Сонымен бірге, Күржібаев бұрын да осындай қылмыстар жасауы мүмкін деген болжам бар.