Алматыда қанды қаңтардағы азаптау туралы хабарлағандар қамауға алынды

Алматыда бес адам ұсталды, олардың барлығы қанды қаңтардағы қамау кезінде азапталғанын хабарлады.

Бүгін Алматының қанды қаңтар күндері қамаудағы азаптаулар туралы хабарлаған бес тұрғыны азаптауларға кінәлілерді жауапқа тартуды талап етіп, прокуратура ғимаратына келді. Олар ұсталып, Бостандық ауданының полиция бөліміне жеткізілді.

Ұсталған төрт адамның есімдері белгілі: Дархан Дүйсебаев, Қосай Маханбай және Нұртас Қаранеев пен Ақылжан Қисымбаев. Ұсталғандардың адвокаты Жалғас Сапарханқызының айтуынша, оларға әкімшілік кодекстің 488-бабының 7-бөлігімен рұқсат етілмеген митинг ұйымдастырды деген айып тағылып отыр.

Түнде ұсталғандардың ісі мамандандырылған ауданаралық әкімшілік сотта қаралады деп күтілуде. Бұл туралы ұсталғандардың адвокатына полиция қызметкері Мақсат Қайратұлы хабарлады.