Алматыда қандай жағдайда мектептер жабылады?

Алматыдағы ата-аналар балаларын онлайн режимге өз еркімен бере алмайды, бірақ коронавирус жұқтырғандардың саны белгілі болған кезде мектептер жабылады.

Бұл туралы Orda.kz хабарлады.

 – Егер 20% (барлық мектеп оқушылары санынан – Ескерту Orda.kz) зардап шексе және бұл респираторлық вирустық инфекциялардың жалпы пайызы болса, онда мектеп жабылады, - деді Алматы қаласының бас мемлекеттік санитарлық дәрігері Жандарбек Бекшин.

Сонымен қатар, ол сыныпта вирус табылса, онда сол сынып онлайн-оқытуға ауыстырылатынын түсіндірді.

Бекшин ата-аналар балаларын қашықтан оқытуға өз қалауы бойынша ауыстыра алмайтынын айтты. Себебі, биліктегілер әлі де жаңа оқу жылын дәстүрлі форматта бастауды жоспарлап отыр.